黃智雯婚後「解放」性感

香港文匯報訊（記者 子棠)黃智雯（Mandy）日前為代言美容品牌，低胸露腿背性感上陣拍攝廣告；她笑言今次是婚後首次「大解放」，為了展現完美體態，連老公都要陪她整整一個月冇飽飯食。

Mandy表示演出舞台劇《薄伽梵歌》期間瘦了7至8磅，因壓力很大經常徹夜難眠，為拍廣告，完成演出後立即調整身心，多休息睡覺、護膚、吃得「乾淨」。廣告中，Mandy以兩個性感造型登場：「有幾個鏡頭令我諗起影婚紗相，因為白色裙又有紗，好有着婚紗嘅感覺。今次冇特別同老公講有幾性感，不嬲佢都唔會過問我嘅工作，最緊要性感得嚟健康；佢知我要Keep Fit，所以陪我一齊進行『清潔飲食』，食蛋、食雞胸，少糖少油少鹽，不過佢就冇瘦到，因為佢夜晚會去偷食零食。」

貪靚的Mandy更自封美容達人 ，直言最滿意自己的背脊。她自豪表示：「個個人見過我背脊都話靚，冇暗瘡。其實我每星期都有做磨砂，做好護理背脊；加上可能因為媽媽從事美容行業多年，所以自小被灌輸好多護膚心得，至今無論幾忙都會日日敷Mask。」