【豐力深作】傳承者強勢反彈

黃子豐

今期頭場第一隻要「大利好運」，呢隻馬加咗眼罩後，根本一直冇好過，加眼罩狂輸八場後，前一場，蔡約翰同佢一除個眼罩，改跑泥地，隻馬表現立即唔同哂，無論係個眼罩唔好，又或者係呢隻馬泥地特別好，總言之，隻馬呢兩場表現，就係完全好咗，而且演出仲真係轉穩定咗。

第二匹要「傳承者」，呢隻自購馬大家乜都唔使睇，凈係睇吓佢啲飛，上季起步到今季，頭十五場，邊一場唔係幾十倍一百倍，但一落五班三場有飛，三場都跑得好，絕對唔係講笑。好明顯，呢隻自購馬已減分成功，依家係開始反彈嘅時候了。到咗第三隻。就係葉楚航隻「星雲浩騰」，呢隻馬，情況同「傳承者」，近乎一模一樣。大家睇睇「星雲浩騰」前季尾贏完馬之後，一直輸到今季贏馬前，跑咗二十場，有冇一場，賠率係低於十倍嘅？答案係冇。而大家再睇吓佢近三場突然有飛嘅佢，結果居然真係三場都喺到。好明顯，呢啲馬，係馬房有心狂減分搵食嘅，當減夠分，就等幾時狀態一操起，就幾時重飛搏殺。我睇頭場呢三隻馬，可以控制大局。