【由馬出發】南區之星血統可靠
馬季到了三月份打後，每每會有較多三降四（班）立即得手的個案出現，而且即使大家都懂得從這途徑捉路，惟並不代表這等頭馬，一定會以熱門姿態出現。以去季為例，便出現了「拍馬難追」、「本領非凡」、「加州德至」、「旌鷹」、「好好紛」、「光明傳承」及「競駿光輝」等，多匹由半冷至大冷的一降即勝例子出現。
【滎心一言】實力哥馬如其名
今期沙田有五草五泥賽事，雖然近日間中有雨，但相信對跑道不大影響，第三場四班千二，「實力哥」上仗同「加州星馳」串Q，但後駒偶有慢閘毛病，而且「實力哥」隔咗差唔多一年先再上陣，以表現嚟講絕不失禮，睇番馬匹上季轉跑泥地成績亮眼，曾經贏過泥地好手「澳華威威」，亦同當銳嘅「花果猴王」串過Q，「花果猴王」翌仗上三班都跑第二名，賽事水準有保證，「實力哥」唯一一次唔上名嗰場係「八心之威」一放到底，可見當日條泥地有幾利放，「實力哥」全程蝕三疊留後追，形勢極差之下跑梗頸四，馬匹賽後上返從化操練積極，而且今場有「贏得自然」、「燭光晚餐」同「良駒好友」等快馬，預計賽事步速偏快，上仗黃智弘為「實力哥」執韁騎得有板有眼，今次排中檔只要唔蝕三疊嘅話有權補中！
【地表最強】超加加四班留唔住
第五場第四班1650米泥地。「超加加」初出跑泥地1200米即露一手，起步唔快沿途在第八位，交出全場最快末段追獲季軍，接戰再爭泥地1200米排12檔，焗住留得更後，更弊遇上慢步速有心無力。大前仗初跑草地毫無走勢，前仗又跑番泥地1200米，這次5檔形勢不差，然而再次慢閘留後跑，依然追上獲亞，確認是泥地好手。針對慢腳不足，上仗改攻一哩同程，結果無慢閘輕鬆跟前走，入直路甫加速愈走愈勁，最後韁韁大勝近四個馬位，看此戰贏馬姿態，根本非一般四班馬，更對番一班蹄下敗將，想輸都難。
【豐力深作】傳承者強勢反彈
今期頭場第一隻要「大利好運」，呢隻馬加咗眼罩後，根本一直冇好過，加眼罩狂輸八場後，前一場，蔡約翰同佢一除個眼罩，改跑泥地，隻馬表現立即唔同哂，無論係個眼罩唔好，又或者係呢隻馬泥地特別好，總言之，隻馬呢兩場表現，就係完全好咗，而且演出仲真係轉穩定咗。
【賽馬酷視角】天天同樂重心之選
今日想講兩匹初到港之紐西蘭自購馬，分別是64分的K496(外地名稱WARDEN)，賽績是兩戰一冠一亞，是會由姚本輝訓練，另外K493(外地名稱ALL TOO BRAVE)評65分，賽績是一戰一勝，則由黎昭昇訓練。這兩匹馬是在一月二日同場在TAURANGA初出。WARDEN跑法主動，守在有利位置，而ALL TOO BRAVE是在中間之後位置。在最後二百米滿以為WARDEN可勝出，後駒展現出好TURN OF FOOT，以快段速以一馬位勝出。完成時間是比另一場頭馬時間慢0.6秒。但ALL TOO BRAVE是匹初出的三歲馬，至於另一場的頭馬則是評81分的五歲雌馬PUKETIRO。筆者認為這兩匹馬均有上升空間，而K493成熟後會是一匹高分的SPRINTER-MILER。
