黃子豐

呢隻「安可」贏馬那次，飛數真係可以咁應。馬迷自己可以睇番，隻馬初出可以話零走勢，事後你勉強可以話，當其時跑千六，「安可」係完全唔適應，但熱咗一次身嘅「安可」，翌戰跑嘅係其後可以入Q嘅三班田草千八。

睇番當日19倍嘅「安可」，遇上正常偏快步速，按道理呢隻馬在那位置，無論如何都要交出一啲走勢先啱，但如果大家自己翻睇一次呢埸馬，直路初同「安可」一齊賺步速嘅「綠色巨人」、「平凡騎士」、「晴王」，甚至係直路中未墮馬前衝得好勁嘅「健而快」，其實冇一隻嘅走勢，係差得過「安可」嘅。

本來左計左計，呢隻自購馬來香港已跑咗兩場，415呢場又完全冇藉口，真係完全無法理解，第三次喺香港出賽嘅「安可」，點可能係七倍，而聰明錢一到，隻馬又真係飛到馬到，唔到你唔服。好明顯，係有啲幕後知情人士，喺三月初之前知道隻馬有嘢轉好咗，而家呢隻「安可」，已經唔可以同來香港初期兩場嗰時比。剛剛狀態才跑起一兩場嘅佢，繼續有好表現，係好合理嘅事。