【豐力深作】香港神駒飛到馬到

黃子豐

「香港神駒」上季除初出冇人知係乜時40倍，次次57至124倍，唔使問都知隻馬係完全未得，減緊分。今季初頭五次出賽，同樣有四次賠率係35至60倍。好明顯，季初馬房都認為完全未得嘅。直至12月尾見隻馬首次有走勢後，近四場開始有飛。12月尾爆大冷跑第三嘅「香港神駒」，翌戰4倍有飛好合理，因為所有馬迷都見佢追得勁。但輸完4倍呢場後，隻馬一場比一場冷，先變12倍再輸一場，然後再輸又見20倍，在連輸3場四班谷草1650米後，上場繼續跑同班同程，按道理，後上馬單單檔位有少少唔同，馬迷唔會突然有好大期望。不過，上次嘅飛數，好明顯完全唔同晒，結果隻馬真係追得好，再冇之前三場咁失準。

到底係失準？定係馬房之前幾埸根本知道未操好呢？細心再睇睇「香港神駒」在巴西嘅賽績，其實演出都幾忠心穩定，我偏向相信，隻馬係馬房之前未搞好嘅。上次突然有飛，似係馬房知道某啲改變，未交代馬，睇下今次能否保持。