馬國明「掛住」靚湯愛「代購」 譚俊彥收入上繳 未見過附屬卡

香港文匯報訊（記者 梁靜儀）曹永廉、蕭正楠、吳若希、車婉婉主持的節目《夫妻肺片》第三集迎來「星級戰友」，男嘉賓為「住家型人夫」譚俊彥、「冇腦型人夫」馬國明（馬明），女嘉賓則有「放養型人妻」梁諾妍、「遷就型人妻」連詩雅及「管家型人妻」陳敏之。眾人圍繞「最常講的情話」與「婚後理財」兩大主題暢聊，驚揭兩位視帝級人夫的驚人寵妻行為。

「恩愛實測」環節中，出名怕醜及天然呆的馬明招牌情話僅有「掛住」二字，但羞澀口吻說出分外「肉麻」，閃盲全場引爆起哄。梁諾妍即場打長途電話給遠在巴黎的洪永城，對方睡意朦朧仍配合老婆情話玩「日常情話」競猜，搞笑之餘亦盡顯寵妻一面。

「婚後理財」環節成為爆料重點，馬明強調自己婚前婚後均「冇乜點使錢」，蕭正楠聞言即爆料馬明生活儉樸，認識老婆湯洛雯（靚湯）前常年只用同一個黑色單邊袋，突然換新袋後便他被看穿正熱戀，「佢真係唔使錢喺自己身上㗎。」譚俊彥再加碼爆料，指曾親眼目睹馬明用 FaceTime幫靚湯在名店「代購」，又模仿馬明當時的寵妻語氣：「BB你要唔要呢個呀？BB你鍾意我買畀你吖！」令馬明尷尬大拋經典「人夫語錄」反擊：「老公不時送個袋畀老婆，我覺得好平常。」一席人夫金句令全場女士開心到嘩嘩聲。曹永廉即忍不住代天下男人發聲：「你玩皺人哋啲老公呀！」過程爆笑。

譚俊彥則自揭將所有人工上繳老婆，自稱只得一張附屬卡，但從未見過，連密碼都不知道。「我老婆個個月畀我一萬多港元零用錢，我得一張八達通。」陳敏之聞言好奇問：「如果你喺街見到對鞋好鍾意，你點買呀？」全場笑翻。