黃子豐

睇「紅錢到」你就睇到幕後人士，同職業賭徒，喺馬場賭馬嘅資訊同一般普羅馬迷賭馬，有幾咁大差別。該駒上季跑咗三場，跑乜都輸到冇影。到咗暑假，「紅錢到」先係傷咗右前腿肌腱，11月仲大件事，右前腿韌帶都傷埋，就係咁，隻馬可以話冇樣嘢好。傷完韌帶後，被迫休息咗足足一年，直到今季尾，6月尾先安排跑番場復出，喺正常情況下，無論評馬人定馬迷，呢啲馬就算試閘點好，都唔會有信心買，老實講，根本都未必敢貼，隻馬根本好番後，就試過一課大閘咁大把，而家問題嚟喇，一隻咁多問題，冇任何賽績根據，被迫休息咗一年，閘又只試咗一課，就連呢一年內，拍跳也只拍嗰一課嘅「紅錢到」，係乜嘢人買到得7倍呢？都唔使問阿貴，百份百係啲幕後人士，或者啲職業賭徒，清楚知道隻馬健康好番。如果隻馬健康已被養好，之前硬仗又冇乜，而家又確認谷草幾好，相信只要腳患冇復發，今次仍然會保持穩定演出，盡量同隻馬贏番場交代。