黃子豐

賀賢今季成個馬房都擺到明回氣，現階段總成績得26W嘅佢，其實五、六月份兩個月，加埋先至贏得兩場頭馬咁大把。亦即係話，踏入7月之前，馬房其實今季只贏咗23場，咁大個馬房，贏得23W，你話馬房今季收收埋埋咗有幾多好嘢。

成個馬房批馬，其實評分都必然有利，只係幾時部署出擊而已。當我以為佢會等下季初先至大舉出擊嘅時候，馬房居然季尾突然來個大搏殺。

　當中一直都冇乜飛而且較為難贏嘅「快博」，其實喺六月尾突然有重飛，表現到位，結果谷到應一應贏一條街而回，之後「金德義」呢隻難贏馬一樣照贏，啱啱賽日就憑住「勁先生」、「時時歡欣」起個熱門孖寶，馬房現階段批馬唔係人咁品，隻隻重飛隻隻谷得應。當大家準備抖暑時，馬房先響起出擊信號。今期又有隻當打嘅「威威父子」，馬房攻勢季尾先起返，跟住佢冇乜點錯，馬膽我信呢隻。