【豐力深作】「同寶寶」必有所圖

黃子豐

伍鵬志隻「同寶寶」有樣嘢和同馬房嘅「同滿滿」十分相似。以前「同滿滿」一上陣得把囗，早段留都留唔住，一口氣狂走兩段後散曬。今季成熟咗，留住走即刻唔同晒。其實「同寶寶」亦係一樣，就算到咗今季初，呢匹重囗馬，都係冇場留得住，但踏入三月份，馬房同隻馬加咗個羊毛面箍後，真係唔同晒。大家可以細心睇睇「同寶寶」今季嘅飛數，三月前隻馬次次二三位跑，當時越輸越冷落，但476埸一加羊毛面箍後，連埸大敗嘅佢，飛數突然變返13倍，結果真係飛到馬到，好明顯，有人早知道呢個新配件係幫到手嘅。而加咗呢個羊毛面箍後，「同寶寶」亦次次有飛，次次留得住衝而且全數入前五名，睇嚟好早就有人幾肯定，加咗呢個配件後，隻馬係可以早段放鬆嚟跑，而賽績亦顯示，能夠留住跑嘅佢，如今已踏入咗戰鬥黃金期，今次返嚟谷草2200米大長途，正正就係476埸次，第一次加羊毛面箍，第一次有人賭錢嘅路程，搵潘頓跑，睇到係想交代了。