黃子豐

頭場五班千四有四隻馬嘅飛數曾經引起我留意過，「綫路神驊」430、526兩場加起嚟仲輸緊十一個馬位，586嗰場乜都冇變，又係四班千四，仲要14檔突然飛到馬到，好明顯有人知道隻馬狀態返咗嚟。

「文明福星」四班兩場跑得出色，落五班換潘頓四倍其實算無飛，但大敗後潘頓改騎「常常感恩」，佢改用艾道拿飛數反而硬淨，六倍搏輸後上場飛數轉弱走樣，今次又返千四要小心。

「綫路萬里」今季初越輸越冷，季中轉去蘇偉賢後，飛數連續三場比季中前勁，但後上馬連續三場走去刻意跟前跑，連輸三場後而家落咗五班，馬房今次落班換人，隨時留返住跑見真章。「八正道」11月心律不正常退出後，復出跑兩場加起上嚟輸成17個馬位，左睇右睇410場四班千四邊有馬迷敢買，結果隻馬突然有飛得七倍，真係突然變身，唔好唔記得，當日係跑緊四班千四，都有人敢賭，之後輸場谷草千二，再輸場田草千二，更跑場千六，而家搞搞下落咗五班，又有變身條件。呢四隻馬近績都差，買條4串6Q，搏佢一齊變身。