周三快活谷九場草地賽事

場地預測：好地

開跑時間：晚上6:40分

艾兆禮來港長駐前，一早已在歐洲有一定名氣同成績，現時在港有咁好成績絕對唔意外。睇番現時馬圈形勢，潘頓無疑依然好勁，不過一再受傷且年紀已大，分分鐘急留勇退都唔奇，布文就更加使講，比起潘頓更老，再看田泰安騎功麻麻哋，艾兆禮則可能就係下一位冠軍騎師。今晚艾兆禮大把好馬喺手，其中最要留意「唯美主義」。

「唯美主義」本身是一匹細粒仔，過往體重長期千一磅以下，然而體力極之充沛，出道至今上陣出賽多達廿八次，仲要交出亮麗戰績，已累積四冠三亞四季。特別嘅係上季長期在田草出賽並成績優異，但因為季尾轉戰谷草劣勢跑第二效果出色，於是今季長期在谷草出戰，季內九戰僅得一次跑田草而已，儘管只於前仗贏過一W，不過每一戰都跑近，表現不俗。

另外一提，「唯美主義」一向都密密跑，但自四月十六號落第後，一路休息到依家，抖咗個半月咁滯，皮耶肯定有部署，換上旺人艾兆禮咪當佢無到。