黃子豐

「神駒馬靈」今季初出初出輸完變4.9倍，再輸變4.1再輸變3.8，再輸變2倍，一直咁狂輸落去，就算輸到贏馬前一場，隻馬仲輸緊七個馬位，居然一樣買到2.4倍，老實講，我百份之一千唔信呢啲錢係馬迷買嘅，大家認識嘅馬迷，有幾多個會長追一隻全無表現嘅馬。呢種飛數實在長期令我想唔通係甚麼人落嘅。不過馬場係最現實地方，冇人係信得過嘅，練馬師係你老公都未必有真話聽，但現金唔會呃人，好似今季初隻「包裝伯樂」咁，佢次次落飛，你次次笑，到佢輸咗幾埸，人哋終於4.5倍贏馬。咁當然，佢哋都會有錯，但我哋睇到呢啲飛，畀多兩錢肉緊研究吓係冇錯嘅。事後睇，原來「神駒馬靈」，今季次次跟前走次次輸，真正留後跑唔計泥地，其實冇輸幾多次，近兩仗留住跑嘅「神駒馬靈」，如果上次唔係全程三疊，近十倍獨贏早已得手。今次隔晚睇有六七倍，有多少落飛空間，如果之前冇追過呢匹馬嘅你，不妨今次起，開始跟進呢匹馬。