食通天下｜自助餐都可以有蛇羹食？

柏寧酒店聯乘蛇王芬推出蛇肉料理自助餐及套餐菜單，難得有機會一次過食齊蛇及自助餐常有的美食。

在柏寧 PLAYT食自助晚餐仲可以試到蛇王芬太史五蛇羹真是幾有新意，其中除五蛇羹是每人一碗外，其他如藥膳五蛇湯浸雞、脆炸手工百花蛇丸都可以在自助午餐或自助晚餐食到。最值一提是蛇羹，用料十足，內裏有齊五款新鮮蛇肉外，仲有花膠、鮑魚、雞絲、果皮、木耳絲等，味道濃厚而鮮甜。《PLAYT x 蛇王芬自助餐》即日至3月30日，大家記住月尾前來試呀！值得一提的是，除了自助餐外，酒店的Ebb & Flow也會推出限定特色蛇王套餐，亦供應蛇王芬副線四季芬芳的精選點心。其實「蛇王芬」這個名字大家都識，這間百年老店更是不少中環之友的飯堂，現在由第四代傳人Gigi Paulina Ng接管家族生意，她立意將蛇王芬發展得更青年化，所以搞酒店聯乘，有些新意。

當然其他自助餐有的食物都有，龍蝦、生蠔等海鮮，日本剌身還有東南亞食品，最重要係有榴槤雪糕、茅台雪糕！

記者：祖蓮娜

拍攝：祖蓮娜

剪輯：木羽