香港文匯報訊 大馬歌手龔柯允（Karen）早前與家人一齊去旅行，到泰國蘇梅島享受陽光與海灘。

Karen受訪時表示：「上年有一個機會可以返馬來西亞同屋企人相聚，閒談時都有提到好長時間無一家人去旅行，所以等到通關後第一件事就計劃一齊出遊，會選擇去泰國蘇梅島係我哋都想去的一個放鬆之旅。」

問到今次旅程有無難忘事？她說：「我哋有日去咗間意大利餐廳食飯，現場有live band仲有駐場法國歌手表演，其間有邀請食客上台jam歌，媽媽就話好耐無聽過我唱歌，所以我就即刻舉手上台jam歌，台下大家歡呼支持真係好開心。仲有行街的時候見到有人busking，都忍唔住要遠距離合唱一下，我都好享受可以同唔同的人jam歌的感覺，希望之後有機會可以同唔同歌手合唱。」說到新一年計劃，Karen表示在音樂作品上希望可以嘗試沒試過的風格，並希望今年可以更多方面的發展，可以再拍電影就更好了。