用家：加人簽場 罰坐全場

康體場地嚴重不足，影響市民進行日常的康體活動外，亦影響體育業界或行業的發展。足球愛好者廖先生昨日接受香港文匯報訪問時指出，足球場地抽籤由租用人一人登記變為租用人外加4名使用者登記，對於打擊「炒場」或有幫助，黃牛黨「訂場難度增大，或會幫到真正有心踢波嘅人」。然而簽場要求由過去租用人一人現身，改為增加3位使用者，他認為未必合理，「足球比賽全場90分鐘，體力消耗極大，業餘愛好者好難踢足全場，唔少人就係踢完半場沖涼返屋企，或者休息下出去買嘢食，萬一呢個人就係租用人或登記的使用者，唔通要坐足全場唔畀走？」

至於已取消設施段節的重新預訂時間提前半小時至早上7時，廖先生認為不太理想，過去康文署將現場預訂時間由早上7時延後至7時15分，的確杜絕了排隊黨炒場人士，但同樣也加大了7時網上訂場的服務器負荷，「如今要將已取消設施段節的重新預訂同普通預訂7天後場地嘅時間改到一齊，康文署服務器負荷不是更大嗎？可能更多普通市民搶唔到。」

延長停賽 罰了用家

羽毛球教練邵先生接受香港文匯報訪問時表示，疫情後大量體育場館用作防疫設施後，教練授課量減少至少五分之二，「教練好難book場，搶唔到就無得上堂，就算好彩搶到都係1個鐘，連續2個鐘嘅場基本無可能。譬如我搶到下午5點至6點的場後，要去搵附近第二個場館搶7點至8點的場地，呢邊教一個鐘，又走去第二度再教一個鐘。」

他表示，加重對租用人違規的懲罰力度不單可能無助遏制炒場，反而令個別普通市民頭疼，通常專業炒場人士放售場地後的服務，包括親自「簽場」，同時在該租用時段全程留在場地內，「佢哋好似返工咁，坐2個鐘咋嘛，萬一有職員巡查就話休息緊，康文署又無話租場人必須全程落場打波，扮作有使用場地就得。」

正因炒家的上述做法，並不會出現租用人「不取場/不在場使用」及「違規轉讓用場許可證」的現象，因此延長停止其預訂有關設施的時間並無阻嚇力，他認為反而令個別普通租場市民，「有人可能預訂咗場地，但係嗰日突然要OT或者有急事，真係唔得閒，畀朋友玩都唔得，停賽罰期仲要延長。」

籃場炒高 波及羽場

另一名羽毛球教練藍先生則更加悲觀，「搶唔到場就無得教，羽毛球場唔似籃球場價格高，所以無人炒，但係由於籃球場、羽毛球場地共用，炒籃球場人多咗，羽毛球場地就少咗。亦有人搶到羽毛球場後並非炒場，也不是教波，而是在網上收入場費，一個人60元任玩，咁樣玩法，我哋持牌教練如何生存？」

藍先生又稱，「疫情前，禮拜六我可以book四個鐘，現在連網站都入唔到；疫前星期日book八個鐘，現在得一個鐘。目前根本唔可以保障每個禮拜定期開班，啲家長帶細路仔過來問下就走咗，香港點樣培養運動員呢？」