周永康：有騙子打民主旗號行騙

攬炒派勁鍾意搲爛塊面、大話連篇咁要呃鬆人，唔少阿茂阿壽都吹到自己「身陷險境」，求「手足」課金着草，搞到啲同路人都睇唔過眼。「香港學聯」前秘書長周永康日前就喺fb開地圖炮：「真係好無奈同非常憤怒……又再聽到一些打住香港民主運動旗號的騙子到處行騙、捏造事實、自吹自擂，人都癲。」

呢個月18號，港大4名悼念銅鑼灣「孤狼式」兇徒嘅學生被捕，「612人道支援基金」稱將有序地停止運作，呢啲消息一出，周永康就喺facebook發帖話，「真係好無奈同非常憤怒。……又再聽到一些打住香港民主運動旗號的騙子到處行騙、捏造事實、自吹自擂，人都癲。你唔驚俾人踢爆㗎咩？以為真係可以暪（瞞）天過海？」

唔知周永康又見到同路人乜行為呢？而攬炒派前葵青區議員周偉雄都留言話：「人心險惡。」唔知係咪都知啲內情，好多人都留言叫佢哋開名，不如就如大家所願等啲「問題」同路人見吓光啦。 ●香港文匯報記者 黃書蘭