● 車淑梅與黎諾懿合照。

香港文匯報訊 黎諾懿最近接受《舊日的足跡》主持車淑梅訪問, 暢談娛圈歷程及展望,更開心share幸福家庭生活點滴。

入行18年,曾經歷事業低潮的諾懿慶幸獲知心好友鄭伊健扶持,現更懂欣賞新晉演員。「我家都開始留意啲新一代(演員),好似戴祖儀,呢個細路女好有天分,佢喺《刑偵日記》演紅姐個女,這是佢第二部(電視劇),佢好聰明、好努力,仲有黃庭鋒都好好,希望大家可以畀佢哋多啲機會。」

因不想被定型,「暖爸疫境廚神」黎諾懿去年11月開始不再以烹飪形象示人,他最近作了新嘗試,為馬來西亞特備旅遊節目擔任監製。「已經拍好到咗剪片嘅時候,9月將會喺馬來西亞上映,我希望下次做導演。」至於想唔想攞視帝?他回應:「想嘅,但家唔係特別恨,我攞獎最大嘅目的就係可以親自喺台上多謝幫助過我嘅人,(想話)你哋冇幫錯人,多過我自己開心。」

諾懿於節目內剖白,提起5億駙馬的稱號,他繼續一笑置之:「我冇壓力,太太係覺得我可以付託終身先揀我嫁我。其實時間可以證實一切,我哋結婚快7年,如果真係唔使做,好舒服,我上咗岸啦!你見到我由早做到晚,連飯都煮埋,其實我希望用自己嘅努力養活自己屋企人,事業上繼續創出一片天!」

年尾將喜迎第二胎,但諾懿就自認是緊張大師爸爸:「其實我對個仔有啲內疚,佢玩波波池惹到珍珠疣,手仔傳染到面仔,家面上有一粒印仔,我每次見到佢嗰粒印仔,心裏面好唔舒服,如果可以早啲處理應該冇事,太太勸我(個仔)大個咗可以去做激光,我就係一個緊張大師爸爸。12月再做爸爸,究竟(BB)係男係女,畀我賣個關子,不過我諗都同上次一樣唔敢剪臍帶……」