【一矢中的】創科先鋒紅運大師

第六場「逍遙駒」上場田草千六米一擊即中，今次縮程落千四米更利貫注，結合進步有力再建一功。「霹靂狂龍」季內獲得兩勝四位好成績，上場同程跑第二名負於「萬市之光」，賽後難得未有加分，今次捲土重來再跑同班同程，有力走入三甲一席。

第七場「創科先鋒」今季千二米三度屈居亞軍未竟全功，今次馬房安排加程上陣用意向善，值得秤先。「月球」前仗轉戰直路賽即爆冷跑第三名，上場亦得第五名，今次大幅加程四百米跑中距離，睇腳法肯定合適，隨時出冷。

第八場「八仟師」上場初出捧成大熱門，由九檔起步搶出直領到底大勝而回，質素之高深不可測，今次升班再戰配雷神可連捷。「簹多福」來港後評八十分起步，季內以田草千二米表現最有根據，今次操好而來可予大局威脅。。

第九場「帆哥兒」上周日出戰直路賽卒之贏番場，今次升班轉去泥地一樣合腳法，好開可繼續好。「協進神駒」轉來泥地短途上陣搵對出路，近兩場同程獲一亞一季，再看形勢今場快馬甚多，若馬群拉散可間接令「協進神駒」早段跟得輕鬆，屆時鬥後勁不落下風。

第十場「紅運大師」至今七戰泥地千二米獲取三冠一亞三季一殿佳績，換言之全部跑入前四名，前仗賀銘年接手贏馬，上次加程一哩無功而回，復課騎者親試泥閘，今次重返勝途又可顯顏色。「精靈勇士」今季加盟方廄後八戰全取得獎金，上場初跑泥地千二米排十一檔輸頭位得第三名，汲取經驗後再來可報一箭仇。

第十一場「心中有馬」來港插班後跑短途楚材晉用，敗績未可作準。二月轉投方後跑三場兩度贏馬，先贏千四再贏千六，表現極佳，今場沿留三班角逐穩位望贏續可做到，依然有重視必要。「保羅承傳」今季轉四歲大幅進步，季內獲得四冠四亞一季，泥地及草地先後交出頭馬，來到季尾依然體力充沛，加上跑法又夠主動，隨時贏到你唔信。