「Lunch仔」攞光環溝女 「性」急求問「同路人」

靠玩「一人和你Lunch」出位嘅中學生「Lunch仔」李國永（David仔），近日因承認向女「手足」傳露械照而令人察覺佢呢啲另類癖好。對「Lunch仔」情史頗感興趣嘅網民最近發現，疑似係「Lunch仔」嘅私人fb賬戶竟然頻頻向網民請教感情甚至性愛姿勢嘅問題，宛如一個「含苞待放嘅少年」。有網民就認定呢個賬號一定係「Lunch仔」，狠批佢一心攞「抗爭」光環嚟「溝女」，亦有網民質疑係「同路人」唔抵得「Lunch仔」聲名大噪，所以整個假賬號嚟害佢，究竟件事係點㗎？

「連登」討論區近日有個題為「Lunch狗你呢隻attention seeker我×你老母」嘅post，內含多張由「David Li」喺facebook發帖嘅截圖，而呢啲post全部圍繞性同愛，例如：「咁如果錢同樣我兩樣都冇，仲有冇方法可以溝到女？」「大家第一次扑野（嘢）係幾歲？」「有冇人試過69？」真係隔住個mon都深深感受到呢個「David Li」對愛情同性接觸嘅憧憬。

我哋按截圖資料搵返呢個fb賬號，發現「David Li」公開嘅個人資料，例如邊一年入讀邊間學校，都同媒體報道一致，裏面仲有多張「Lunch仔」嘅自拍照，最舊嗰張相嘅上傳日期係2017年1月。

被爆私賬屢呻性愛疑問

翻查fb資料，「David Li」呢個賬號早喺今年3月已經發帖向網民分享愛情煩惱。雖然「Lunch仔」嗰陣都仲未成為「黃圈新星」，但網民「KAmkam KEn」同「少東」都留言質疑有人用假ac老屈真正嘅「Lunch仔」，點知呢個「David Li」竟即刻回應「其實我係真」，又繼續大呻冇女仔理佢。

「Lunch仔」噚日亦用「Lunch哥的抗爭生涯」轉發咗一則「David Li」嘅帖文，好似意圖證實「David Li」真係由佢經營，而嗰則帖文嘅內容都疑似同感情有關「無謂辛苦大家，都係做返普通朋友算」，睇嚟情情愛愛先係「Lunch仔」嘅主線。

上周先喺fb宣布自己「戀愛中」嘅「David Li」，早幾日頻頻喺fb詢問感情意見，話自己好似同啲女仔溝通唔到，然後「Lunch仔」就轉發咗嗰篇「David Li」疑似同伴侶分手嘅帖文，唔知佢係咪失戀呢？

可能因為後生仔血氣未定，疑似剛失戀嘅「David Li」已經寂寞難耐，所以開post請教網民：「有冇巴打試過成功係（喺）Tinder約到女仔出街？」

令人疑惑嘅係，「Lunch仔」早前為自己傳露械照辯解嗰陣明明講過，自己未出嚟「抗爭」之前係有喺Tinder同成人Group溝女，只係紅咗之後已經停咗，冇諗過有人喺佢紅咗之後拎返出嚟捉佢痛腳喎。今次「David Li」心郁郁想用返Tinder，唔知係咪「Lunch仔」覺得自己未夠出名，定係被愛情嘅魅力征服咗呢？

心郁郁重玩交友配對App

其實答案顯而易見，事關「Lunch仔」喺佢個專頁簡介度已經寫咗「我單身一個單身左（咗）17年嘅真香港人」、「最後希望可以係（喺）煲底同妳相遇」，都難怪「連登」啲網民不斷批評「Lunch仔」借「抗爭」光環嚟「溝女」。

fb專頁「觀影字語」亦揶揄：「我開始明白佢個page點解咁多人關心佢嘅學業問題，我諗原因唔係因為佢係學生，而係佢真係好需要女……無嘅，17歲仔精蟲上腦…sor，血氣方剛係好正常嘅事嚟，但唔好自己攪（搞）啲活動去拎光環，攪（搞）到有人被拉囉。」 ■香港文匯報記者 雨航