護士轉歌手需增值 艾妮自認好捱得

香港文匯報訊（記者 依江）日前英皇新人艾妮（Elly）作客TVB娛樂新聞台節目《StarTalk》，接受主播許文軒（Edmond）專訪，大談放棄護士工作，加入樂壇推出HIFI碟感受。Elly說：「自己鍾意唱歌所以先參加超級巨聲3，但比賽之後屋企人唔想我收入唔穩定，所以畢業後就取捨咗做護士，但呢6年註冊護士生涯中，我一直都有Part Time唱歌，做酒店駐場歌手，經常早上做護士，六點收工去唱歌，雖然會好辛苦，但我唔想放棄唱歌呢個興趣，家人知我唔係玩玩下，既然再有機會唱歌，佢哋好支持我。」

問到今年再戰樂壇，有否擔心遲起步？她說：「的確遲起步，但我會把握時間，唔會浪費每一分每一秒，我會學彈琴同唱歌，增值自己，雖然遲咗少少，但係我會追返上去，而且做護士時已經練得一身鋼鐵體質，所以好捱得。」

談到保持靚聲錄HIFI唱片時，艾妮說：「本身氣管唔好，好敏感，所以錄音前我會煲好多湯，帶一個好大嘅袋去錄音室，我會煲石斛水，加胖大海煲，可以再加少少花旗參同蜂蜜，食多啲蘋果同雪梨保持把聲潤滑，我對醫學知識特別有興趣，所以對中醫有啲研究。」