兩餸飯菜式要層出不窮 權發鰂魚涌新菜式麻辣牛什中午賣晒 !

坊間兩餸飯店雖然梗有一間喺左近，但亦周不時見有兩餸飯店突然拉閘。明星兩餸飯店權發小廚雖然價格不是全行最平，但其多款招牌菜式卻是長期佔據兩餸飯店投票與好評榜首。老闆權哥時常都有新款菜式推出，剛剛又在鰂魚涌新店推出新菜麻辣牛什，即時引起一眾食客在社交平台分享，大多數試過的食客都問權發幾時會在其他分店也推出這款麻辣牛什。有谷友更埋怨中午12時去到鰂魚涌店已經賣晒! 

講開權發，麻辣牛什只是小菜一碟，百花釀蟹鉗才是最受歡迎的權發小食，$30一隻，雖然仍是不定時推出，一般即日會迅速賣晒，但今日終於能全線分店一齊推出，以饗食客。另外，早前鰂魚涌新店亦推出新菜式南乳吊燒雞，半隻售$60元，亦大受歡迎。而老闆娘Kitty姐預告，下周一全線分店將會推出金牌蒜香雞半隻，售$60。

以下是權發頂尖必食推介 :

• 咕嚕肉 / 黑醋骨 / 陳醋骨：長期佔據投票與好評榜首，外脆肉嫩，酸甜醒胃。

• 招牌炒鵝腸：鑊氣十足，口感爽脆。

• 蒸魚系列（豉汁蒸倉魚、石斑、蒸鱔等）：魚肉鮮嫩，屬於性價比極高的酒樓水準。

• 阿拉斯加海產系列（如粟米、咕嚕或蜜桃沙律阿拉斯加鱈魚柳／銀鱈魚扒）：用平民兩餸飯價格食到高級食材。

• 其他熱門家常小菜：梅菜扣肉、燒汁黑豚肉、椒鹽蝦、鹹蛋蒸肉餅、蕃茄炆牛腩。