入冬必食｜嚴選本港5間人氣煲仔飯推介 一文睇清招牌菜式、價錢及地址

秋風起，食煲仔飯！天氣一轉涼，夜晚行過街頭巷尾，聞到陣陣炭火焦香，個肚就忍唔住打鼓。今次為大家嚴選5間分布於港島同油尖旺區嘅人氣煲仔飯小店，由傳統炭火風味到創意配搭都有齊，今晚約上三五知己去「暖笠笠」開餐！

1.興記菜館（油麻地）

提起香港煲仔飯，廟街老字號「興記」幾乎無人不曉。店舖至今仍堅持以傳統炭火明火烹調，火力猛而均勻，米粒吸盡食材精華之餘，煲底金黃香脆嘅「飯焦」更係靈魂所在。

推薦：白鳝煲仔饭（鱔片厚身肥美、爽滑無泥味，$100）和腊肠排骨煲仔饭（經典港式風味，$85）

地址：油麻地廟街12, 14, 15, 17, 19號地舖（油麻地C口出步行約1分鐘）

營業時間：13:30-15:30及17:30-23:00

電話：2384 3647

2.風味園餐廳（旺角）

扎根旺角的「風味園」，是不少街坊同打工仔嘅宵夜飯堂。必點「排骨鳳爪煲仔飯」，鳳爪焖至軟腍入味、骨肉分離，排骨肉汁豐盈，醬汁滲透每一粒米飯，啖啖惹味且份量十足。

推薦：排骨鳳爪煲仔飯($78)

地點：旺角通菜街113-115號地舖（旺角B2出口，步行約2分鐘）

營業時間：24小時營業（註：煲仔飯只供晚市，賣完即止）

電話：2142 3988

3.坤記煲仔小菜（西營盤）

位於西營盤的「坤記」長期高踞人氣榜前列，晚市時段門外經常大排長龍。招牌「白鱔滑雞煲仔飯」結合肥美爽彈嘅白鱔與嫩滑雞件，魚油與雞汁雙重滲入米飯之中，甘香十足，另加$20臘腸，風味更佳！

推薦：白鱔滑雞煲仔飯（$140）

地點：西環皇后大道西263號和益大廈地下1號舖（西營盤B1出口，步行約3分鐘）

營業時間：17:30-22:30

電話：2803 7209

4.紹華小廚（筲箕灣）

想食有新意的煲仔飯，筲箕灣「紹華小廚」絕對係港島東街坊的心水推介之一。小店在保留傳統炭火煲製工藝的基礎上，大膽將多款高質及創意食材融入煲仔飯之中，打破傳統。當中「蒜香牛頸脊煲仔飯」備受食客追捧，牛頸脊肉味濃郁且帶細膩油花，配合爆香的金黃蒜片，香氣四溢，肉汁鎖緊於飯粒之間。

推薦：蒜香牛頸脊煲仔飯（$92）

地點：筲箕灣愛秩序灣街市暨綜合服務大樓CF3號舖（筲箕灣B3出口，步行約4分鐘）

供應時段：18:00-22:00

電話：8199 8188

5.嚐喜煲仔小菜（堅尼地城）

位於堅尼地城嘅嚐囍煲仔小菜主打無味精高質的「四季火山石煲仔飯」。店舖對出品極具心思，從餐牌可見其製作需時約三十分鐘，確保粒粒皆溫熱。

推薦：窩蛋牛仔肉飯（$98）、黃金臘味撈飯（$123）

地點：西環堅尼地城北街25號地舖（堅尼地城B出口，步行約3分鐘）

營業時間：24小時營業

電話：2819 6190

煲仔飯即叫即煲，繁忙時段一般需等候約20至30分鐘。上檯後記得唔好心急開蓋，先沿煲邊淋上甜豉油再焗多1至2分鐘，包保完美起飯焦！今晚放工，你想試邊間熱辣辣嘅煲仔飯呢？