Anson Lo新歌呈「鬆弛感」全權主導MV視覺創作

香港文匯報訊（記者 子棠）MIRROR成員盧瀚霆（Anson Lo）推出首支國語跳唱《goofy》，新歌除了呈獻耳目一新的「鬆弛感」，他更全權主導 MV 拍攝的視覺創作，並透露一星期後將再有另一首全新作品接力登場。

在新歌演繹上，Anson Lo形容是個新挑戰，除了是國語錄音外，在唱法上也與監製有很大的突破，已出道第8年的他希望在單曲上有不同演繹。而一向重視創作參與度的Anson Lo，今次亦一如既往親自撰寫英文Rap詞，將自己的心聲與憧憬融入歌曲之中；以「goofy」為主題，意指無憂無慮、純粹玩樂的心態。Anson Lo 表示，希望透過這首歌曲為大家帶來歡樂，並在跳唱作品中注入新意：「《goofy》嘅意思係蠢蠢地、盡情玩樂，唔使諗太多。之前出嘅party歌已經係以年計，今次好想再帶歡樂畀大家。不過曲風上好唔同以往比較快同澎湃、好熱鬧嘅party歌，反而多咗一種從容、輕鬆嘅 goofy中板感覺。」

MV拍攝上，Anson Lo亦參與度極高：「今次MV嘅構思、分段、場景、拍攝角度，甚至鏡頭決策，都係由我 100% 全權負責。其實喺收到 Demo嗰一刻，我已經諗起保齡球場同埋海邊黃昏跳舞嘅畫面。去到現場拍攝，美術團隊打造嘅美式Locker Room效果比我想像中豐富好多，真係好驚喜。入行第8年，對自己作品要求高咗，亦想將學到嘅嘢運用出嚟，好感激權導畀好大信任我去輔助成件事。」能夠看到將腦海畫面一秒一秒真實呈現，Anson Lo非常開心，更慶幸的是拍攝了不少外景，特別加入香港標誌性的維多利亞港海景與高樓大廈景色，Anson Lo 希望透過畫面將香港美麗的都市風貌呈現給更多觀眾。