演藝人協會辦慈善快閃巿集 古天樂率眾星斷捨離捐物義賣

香港文匯報訊（記者 林子棠） 由香港演藝人協會主辦的「慈善快閃巿集」將於本周五（11日）起一連三日在演藝人協會舉行，由理事岑樂怡（阿妹）策劃，獲會長古天樂、副會長錢嘉樂、前副會長余安安、理事會成員周家怡、黃溢濠、岑珈其、鄭文及余香凝等捐出私人物品義賣，為協會籌募經費，同時環保。

余香凝、張紋嘉、黃奕晨、樊沛珈等日前化身義工，到協會整理數百件義賣物品及布置場地。余香凝捐出多個名牌袋及時尚皮褸，她說：「有啲袋陪伴我走過不同地方，好有紀念價值，自己都好鍾意，不過為慈善都要割愛捐出嚟。」

活動策劃人岑樂怡透露，由古會長批准到舉行，籌備了四個月：「最大困難係『分類日』，亦係我最緊張一日。因為要由零開始建立一間 Pop-up Store，手上物資唔多，加上希望堅持環保，唔想製造太多垃圾，所以由衣架到各類擺設，都係向環保團隊借返嚟。」她續說：「記得當我問余香凝有冇物品可以捐贈，佢當時唔喺香港，冇諗過佢一返香港就主動聯絡我，仲迅速安排運輸，非常有心！佢捐出嘅物品好高質，相信會以理想價錢賣出，為活動籌得更多善款。」