HOY亞運會主題曲《高空突破》熱血登場 林奕匡夥蔡俊彥合唱為港隊應援

香港文匯報訊（記者 余雁）「愛知・名古屋2026第二十屆亞洲運動會」（亞運會）將於9 月19日正式揭幕，連續八屆榮獲亞運會香港地區獨家官方轉播權的HOY 媒體網絡正式推出亞運會主題曲《高空突破》。歌曲由著名音樂人陳少琪監製及作詞、金牌唱作人林奕匡（Phil）與劍擊名將蔡俊彥（Ryan）今日現身HOY音樂節目《HOY榜啦》錄製節目，並即場獻出二人合唱《高空突破》的首次Live演出，為港隊應援。

對於今次首度現場 Live 合唱，Phil 表示感到非常興奮與開心：「今次可以喺節目現場同Ryan合唱《高空突破》，感覺十分新鮮！因為Ryan平時非常忙碌，要兼顧訓練比賽及其他活動。所以收到節目組邀請時，我都唔知下次幾時先再有機會同Ryan同台合唱，當下就馬上答應！」

而被問到Ryan的Live表現時，Phil 讚不絕口並透露：「Ryan 對自己的要求極高，無論係運動定音樂方面都好盡力去完成。上次第一首歌錄音時，佢每日喺屋企 study 幾個鐘以上；而今次錄製《高空突破》我記得好似得一日時間，今日仲要係第一次唱 Live，不過Ryan一開聲表現已經好出色！」首度唱Live的Ryan則笑言心情既興奮又緊張：「因為已經有一段時間冇公開唱歌。Phil 每次都好鼓勵我，之前喺錄音室，佢給了我好多寶貴建議，例如發音同咬字技巧，真係獲益良多。」

《高空突破》官方 MV 剪輯了多位香港運動員在賽場上揮灑汗水與淚水的珍貴畫面。Phil 表示看到 MV 後非常感動：「畫面好符合《高空突破》這首歌的意境，特別係有幾個畫面拍到運動員喺空中跳躍，展現出突破極限的信念。」旁邊的 Ryan 則幽默笑言：「一開始睇到 MV 嗰陣覺得有啲尷尬！因為前一個畫面係我喺度唱歌，下一個畫面就係我穿著運動服喺賽場上，不過我覺得這是一個好珍貴、好有紀念價值嘅畫面！」二人均希望透過這首歌曲為港隊打氣，陪伴一眾香港運動員全力衝刺亞運，共同見證光輝時刻。

至於備受傷患的Ryan表示，傷患令他擔經受怕了兩個月，但經過一輪休息，以及與身體好好溝通後，康復的進度比預期好，將會全力出戰亞運。