香港阿叔不滿大塞車　爆粗鬧巴士司機逼開門　網民斥無理取鬧

大公文匯全媒體報道，網上流傳一段巴士阿叔大罵司機的影片，可見一名阿叔疑因巴士在長沙灣一帶遇上大塞車，而不斷騷擾司機「咁X耐！X你老X！」，並要求要即時下車。司機則解釋要到巴士站才可以下車，惟阿叔繼續無理取鬧，最終被全車乘客圍罵。

有網民在fb專頁「屯門友」代街坊發文，指日前乘搭往屯門的66X九巴，因道路棚架倒塌需時清理，在長沙灣元洲邨塞車半小時，其間有一名阿叔「見塞咗咁耐心情好煩躁同好勞嘈咁，問司機點解塞車」。惟司機有禮貌回覆仍感不滿，「其實司機已經好有禮貌咁覆佢。佢都係唔滿意，一直係咁嘈。又要求要即刻落車，司機表示要喺巴士（站）先可以落車，個阿叔就繼續係度嘈」，直斥「呢個阿叔簡直係無理取鬧。」

從影片可見，該名阿叔心情勁煩躁，進而再於巴士下層，司機位附近的前座，不斷爆粗質問司機為何會塞車，「塞咁X耐，我無知情權？」、「我而家問你呀！？」、「我走埋嚟同你傾計，大家萍水相逢，你扮乜X嘢啫？」更指示司機要即時下車。司機則好聲好氣地回覆，「咩知情權？睇新聞啦自己！」、「你問我就要答你㗎喇咩？」「你鬧我做咩啫！」。最後經過乘客勸解「一人少句」，事件才告平息。

樓主表示，上層乘客亦不滿阿叔無理取鬧，「佢嘈到上層嘅乘客都落來話個阿叔好嘈，指佢冇理鬧司機」，感嘆「個司機真係好慘，塞車遇着躁底乘客，係咁畀人用粗口問候」。塞車1個多小時後，最終啲巴士要改路，大約10點先返到入屯公轉車站，而其朋友待阿叔下車，大聲向司機說，「辛苦哂司機，遇到這些冇理搞事大叔」。

帖文一出，網民紛紛批評阿叔的行為，「質素低」、「塞車係道路交通問題，唔係司機問題！」、「阿叔無理取鬧」、「其實司機已經好有禮貌」、「落車要有站，再安全才可以下車」、「塞車司機一定知咩事，但唔一定要答你！」。