《中聲4》7強名單疑流出 周志康有不能說的秘密

香港文匯報（記者 梁靜儀）周志康、陳旭培及尹景順今日為 myTV SUPER 第二回《我推的中4人氣見面會 + 陪你睇直播》進行綵排探班。三位更即場預演合唱《友情歲月》及玩鬥長氣遊戲。TVB《中年好聲音4》決賽7強名單疑似流出，其中被視為冠軍大熱門的周志康，以及另外兩位香港代表陳旭培及鄭仲豪同被淘汰，賽果令觀眾質疑。周志康與陳旭培對於賽果同樣守口如瓶，又異口同聲稱絕不相信賽果內定，尹景順就認為就算賽果內定，都要有實力。

《中年好聲音4》總決賽將於本月23日在啟德體藝館舉行，當晚7強選手將會爭奪冠軍寶座。周志康坦言已知道7強決賽賽果，但為了尊重節目組，大家口徑一致所有都不能夠說。承傳7強止步的周志康又說：「我覺得入唔入得到都無所謂，最重要係大家喺這個節目過程中有好大得着，其實每一Round，我哋每次唱一首歌，喺唱之前已經有得着，因為喺訓練過程中累積咗好多嘢，而呢個比賽都係我人生當中其中一個好重要嘅比賽，令到大家喺自己的音樂路上都多咗好多注目。」被問到是否即使不入圍也不會失望，周志康就認為入圍都要看緣份：「我覺得大家都係抱住呢個心態，甚至有啲參賽者可能比較早淘汰，其實佢哋都有能力去到決賽，所以呢啲都係非戰之罪，好多都係有啲原因，除咗實力之外，留唔留得到，有時真係睇緣份，入唔入到決賽無所謂啦，人生係靠自己嘅能力行到最遠就得啦。」他又多謝觀眾緊張這個比賽，因為他們的緊張亦都會令到他們有動力。再問到他最近是不是忍口（守口）忍得很辛苦。他說：「因為我都冇諗住講，所以唔使忍。」

周志康陳旭培否認賽果內定

對於傳出有「內定賽果」，周志康深信不會有內定：「因為我哋喺現場一路都有聽，我覺得音樂係有喜好，除咗技術之外，點解有咁多評審，係因為佢哋都有自己對於音樂嘅想法，甚至觀眾都有自己的想法，我覺得有意見係正常，因為同一首歌，唔同人唱，我就淨係喜歡佢唱多啲，所以真係無所謂，所以內唔內定無所謂。」至於他是否出現過「選錯歌」情況，周志康稱不會去想，認為不同歌手，每首歌都有自己的演繹方式。周志康就補充：「因為嗰時係清場，所以個賽果係唔係真係依家大家見到嗰個呢，都未必嘅，大家估賽果都係一個樂趣，所以我哋千祈唔可以劇透！」說到他假如入不到決賽，情況就和他的好兄弟劉威煌同病相憐，周志康笑稱這樣都幾好，他又多謝對方幫了他很多，練歌時會給他意見。至於尹景順還未完成比賽，已獲安排參與旅行團活動，他表示不知道，也是落飛機看到海報才知道，笑言多謝觀眾支持。被問到是否覺得賽果內定，尹景順就笑說：「內定我都無問題啦！真係冇內定，每個人都有70%，我都唔係每首歌我都唱得好，我覺得呢屆到20強都唔知邊個贏，因為呢屆大家都非常平均，勝出絕對係憑實力，如果講係內地，都要有實力先可以畀人哋內定，咁先唔會畀人鬧。」

周志康回應觀眾「冇佢唔睇」的說法，笑言每個人都有支持者，就算自己不入圍，阿媽唔睇都正常，多謝大家喜愛，但呼籲繼續支持節目。對於《突破之夜》憑《獨家試唱》首奪MVP，他強調非關騷肌，而是突破內向性格：「我揀快歌做唔擅長嘅事，整體真係有突破，除衫係想釋放自己。」