盧宛茵帶孫上《嫲嫲飯飯》獻出多個第一次 哽咽從前忙工作少見兒子

香港文匯報訊（記者 阿祖）由洪天明、Jason陳柏宇及Hilary劉沛蘅主持的《嫲嫲飯飯》由上周開始於HOY 播出，節目邀來不同的嫲嫲，由街市買餸到餐桌對談，細味承載家庭傳承的家常菜，展現社區中不變的人情溫度。其中Madam 盧宛茵首度帶同四個孫仔、孫女上節目，更與孫女齊齊炮製美食，溫馨滿瀉。

Madam為HOY拍節目，便獻出佢多個「第一次」，除了與四個孫仔、孫女拍攝外，兩個仔仔Albert、Andrew 都首度公開亮相，Madam講起以前忙於工作與兒子甚少見面都忍不住哽咽，幸好與幾個孫關係好，現在很珍惜大家一起的時間：「𠵱家一個月起碼有一日聚埋食飯，傾偈吹水笑吓，有時開家庭會議。」主持之一的洪天明湊小朋友相當拿手，他說：「未有小朋友嘅時候，我都好鍾意小朋友，任何有小朋友嘅場合，我通常好似一個小丑咁帶小朋友玩。」Hilary就說照顧小孩不易：「我發現鍾意小朋友同湊小朋友真係兩回事，天明在行啲，通常佢同小朋友玩開咗，我就易處理啲。」

Rachel梁雍婷也帶同嫲嫲出鏡，嫲嫲悉心打扮相當潮，Rachel說小時候是跟嫲嫲學扮靚，而她這天還下廚復刻嫲嫲的味道。對於嫲嫲記得她愛吃什麼，Rachel說很感動：「但好可惜我已經變成素食者，所以佢記得我鍾意食嘅嘢都冇乜用，因為食唔到。不過𠵱家調返轉，我見到有啲好食嘅素食餐廳都會帶嫲嫲去，所以以前佢照顧我，𠵱家就變我照顧佢，有新餐廳，或者有啲靚嘅景點，就我帶返佢去探索呢啲新嘢。」眼淺的Rachel又說不怕淚灑現場：「因為係好自然嘅情感，我上年帶佢去福岡玩，我都覺得好感動。」