爆馬國明冧妻秒變卡通聲 蕭正楠笑言「初戀」黃翠如

香港文匯報訊（記者 梁靜儀）蕭正楠（Edwin）、曹永廉、吳若希及車婉婉昨日到將軍澳電視城出席兩性關係真人騷《夫妻肺片》記者會，四位主持更不約而同選馬國明（馬明）為「人夫天花板」，更爆他同老婆湯洛雯（靚湯）講電話即變卡通聲。

Edwin表示節目嘉賓爆了不少料，話題由生B、夫妻關係、前度到偷食都有。問到可有分享自己的前度？Edwin搞笑說：「我邊有前度，太太（黃翠如）係我初戀，結識佢之後我以前嘅嘢冇晒記憶。」他更指節目中與一眾人夫傾偈時，不敢隨意附和嘉賓觀點，生怕太太睇到會當真。

曹永廉則笑言為怕「瀨嘢」，節目中盡量少談私事，但提到有集討論「偷食」話題，有男嘉賓大膽分享，都擔心該段節目能否播出街。Edwin就指很少見曹永廉如此安靜，此環節還邀請私家偵探，分享查案當中如何鬥智鬥力。

曹永廉又稱不少男嘉賓很顧家，Edwin更爆有人將整份薪金交給太太，又指曹永廉亦是其中一人。曹永廉則自嘲手上只有一張八達通和樂悠咭。Edwin表示未需上繳全部收入，但家庭開支會共同分擔，並笑言聽過他人的經歷後，自覺好幸福。曹永廉又爆馬國明與太太湯洛雯傾電話時語氣溫柔，更會變卡通聲；而Edwin對着兒子「蕭哈哈」時，聲線更會高八度，但與老婆黃翠如對話則很正常。