古淖文新歌MV邀「中聲」好友客串「把茶言歡」

香港文匯報訊（記者 阿祖）古淖文（German）2026年度首支單曲《On The Rocks》，已於5月20日正式派台。「520」是全世界都在告白的日子，古淖文卻選擇以《On The Rocks》這首深情力作，表達男人最浪漫的共鳴。

古淖文之前派台的兩首派台歌都屬快歌，今次選擇慢歌，主題反映為事業拚搏的都市人心聲：「每個都巿人都有自己嘅故事同壓力，特別喺事業拚搏時遇到問題，但不敢大膽主動向人傾訴，唯有同一班志同道合嘅好朋友小聚時，就會不知不覺間主動講出自己心事，我自己都會咁樣，有時都會約『中聲』家族嘅朋友把酒言歡，所以呢個主題對於我絕對係身同感受。」

《On The Rocks》MV中，有一班朋友在酒吧聚會把酒言歡，古淖文為了呈現朋友之間的密切關係，便邀請了《中年好聲音》的好朋友丁文俊、劉威煌、梁浩賢、甘永傑和曹越客串演出：「幾位男士我哋平時都會出去食吓飯，飲吓嘢，當然係「中二」嗰啲會再friend啲，需要拍MV即刻諗起佢哋。」至於邀請當中唯一的女將曹越，就因劇情需要：「MV有part嘅小故事係講男女感情嘅嘢，覺得佢好適合，因為佢好有現代女性嘅獨立特質。」

由於古淖文跟丁文俊、劉威煌、梁浩賢、甘永傑及曹越都熟絡，當日在酒吧拍攝時，就好似好朋友聚會一樣輕鬆愉快，加上大家有默契，拍攝亦特別順利。古淖文更大讚一班好友的演技：「佢哋每位都表達到MV嘅主題，就係現代都市人嗰份寂寞嘅無力感。」不過反而最困難竟然是「飲酒」部分：「為咗唔想影響拍攝，所以將所有有酒精嘅嘢飲品，都變晒烏龍茶，阿甘（甘永傑）係飲得最多烏龍茶，因為佢嗰段係要扮狂『隊酒』，所以真係飲到成肚係茶，而其他幾個兄弟就要不停咁打桌球，不過大家都拍得好開心，因為真係同我哋平時聚會差唔多。」