一晚連跑兩場大騷 李幸倪笑言「條氣唔順」

香港文匯報訊（記者 梁靜儀）李幸倪（Gin Lee）昨晚在《CHILL CLUB推介榜 年度推介25/26》中，憑《白夜行》獲「年度十大歌曲」外，同時冧莊奪得「年度女歌手」金獎，她也因為在本地四大樂壇頒獎禮中奪得「女金」完成大滿貫。

昨晚Gin Lee因要在啟德演出《25+ 英皇群星演唱會》，隨即要趕入亞博館領獎，她在台上笑言「條氣有點唔順」。完騷後，她接受訪問，一身火紅色造型現身的Gin Lee，形容是美少女戰士造型，問她條氣順返未？她笑說：「條氣順返，有啲攰，跑到瘦晒，中間遇到好多波折，天雨路滑，去到閘口又入唔到，全車人好緊張，好彩趕到，所以台上講嘅一番話都有啲感觸，要行上頒獎台真係唔容易，就好似做歌手一個生涯，好開心可以儲齊印花。」她又自爆在得知頒獎禮與英皇演唱會撞期時，忐忑了成個月，其間不停協調，如今有好成績，都會請同事食餐好的慶祝。

提到在啟德演出，Gin Lee稱面對如此大的場地，感到震撼和緊張：「個心卜卜跳，好多觀眾，反應好熱烈，腎上腺上升！」問到她可有見到新婚的阿Sa（蔡卓妍）？她說：「我睇唔到，（羨慕阿Sa？)好戥佢開心，（何時輪到你？）我暫時未有呢個憧憬，遲啲先，做多幾年嘢先，奪金係個好嘅開始，條路仲係好長嘅，繼續努力先。」