家族風波持續 │ 鼎爺胃部不適暴瘦 鍾志光：豪仔指爸爸吃東西差了不少

香港文匯報訊 (記者 梁靜儀) 鍾志光(鍾Sir)與李家鼎(鼎爺)及李泳豪(豪仔)份屬朋友，今日亦有到場致意，他在儀式開始前離開，並由李泳豪送他離開靈堂。鍾Sir接受訪問時，透露靈堂內氣氛平和。

說到鼎爺消瘦不少，他可有安慰對方？鍾Sir表示豪仔曾講過，鼎爺只是胃部有少少不適，可能吃東西方面差了不少，的確是瘦了。問到作為長輩，可有跟泳豪、泳漢兩兄弟傾談？鍾Sir說:「泳漢我就其實冇同佢合作過，只有數面之緣，同豪仔就比較熟，因為我哋喺《愛。回家》同一條線，始終豪仔就比較成熟啲，始終每個人有每個人嘅做法，我哋作為朋友亦都唔可以指指點點。」

他又稱兩、三年前有一次開工，豪仔曾經收到電話，估計應該是媽媽身體有問題:「當時豪仔仲有一個shot未拍，見到佢含住眼淚，咁我同我豪仔講你有事你走先啦，佢都好盡責，拍完至同導演講，成個過程當中，見到豪仔對媽媽施明非常之好。」

鍾Sir又讚豪仔太太好客氣，因對方是台灣過來，有時中秋節會特地訂文旦柚給朋友。至於傳聞她與施明的婆媳關係不佳，他就稱一家不知一家事，自己也是從傳媒方面得知，亦從來沒有談論過這問題。至於兩兄弟靈堂內可有交流？鍾Sir說:「我喺靈堂內只逗留短短時間，都有安慰李泳漢和李泳豪節哀，豪仔同泳漢、佢阿嫂有企埋一齊，鼎爺可能跟習俗就冇坐埋去，但有朋友陪佢坐。」對於豪仔太太被拒入靈堂鞠躬，鍾Sir稱沒有特別問豪仔，所以不太清楚。

記者現場所見，晚上8時左右，李泳豪陪同鼎爺一同坐車離開，期間問到豪仔，對於太太被拒入靈堂、以及有沒有跟哥哥李泳漢交談，他耍手避談說:「今日真係唔講喇。」問到明日媽媽出殯後，可會出席解穢酒？他就表示不會出席。

晚上九時前，李泳漢拖着太太步出靈堂，並向傳媒合十及鞠躬，細細聲說「有心、多謝」。被問到有否邀請父親和弟弟出席明日的解穢酒，他回答有，但問到是否再拒絕弟婦出席，他就不作回應並離開。