率逾200人團隊飛吉隆坡開唱 Sammi對安仔隔空放閃

香港文匯報訊（記者 阿祖）鄭秀文（Sammi）日前首次率領超過200人的龐大團隊，從香港浩浩蕩蕩飛到馬來西亞吉隆坡，舉行一連兩場《You & Mi鄭秀文吉隆坡演唱會2026》。吉隆坡演唱會前日開鑼，全場爆滿。演唱會開始前，當地粉絲下午已聚集會場外，每個角落都有Sammi的大海報和小手牌讓粉絲拿着打卡，還有不同扭蛋區、輪盤區和遊戲區，可贏獎品和禮券，氣氛熱鬧。

前晚8時，Sammi閃耀登場，以《朝聖》和《發熱發亮》揭開序幕。相隔10年再到馬來西亞開演唱會，Sammi說：「大家都老啦，好開心同大家一齊成長。希望下次不用再隔10年，快啲再嚟開騷。」台下觀眾大讚她「好靚」，她笑言自己保養得宜，「靚」是事實，不用多提。有觀眾大嗌「安仔」（Sammi丈夫許志安），Sammi甜笑回應：「安仔無嚟呀，佢好忙，要做騷。安仔加油，我都要加油！」接着她唱出《唯獨你是不可取替》，並隔空放閃說：「人生之中搵到個不可取替嘅人，係好幸福嘅事！」

Sammi表示對東南亞地方情有獨鍾：「我好怕凍，但幾熱都得，屋企唔開冷氣。都想每年有三四個月住馬來西亞，因為天氣好好，每日可以着背心短褲周圍走，好鍾意熱帶地方！」她又笑言完騷後可盡情品嘗榴槤。來自世界各地的歌迷高舉燈牌，Sammi透露胞姐和中學同學拉隊捧場，還有印尼親戚到場支持，令她非常開心。

演唱會尾聲，全場大合唱《我們都是這樣長大的》，粉絲非常熱情，完騷後也不散場大嗌「安歌」，寵粉的Sammi重返舞台，向四面粉絲揮手道別，然後再唱一曲《值得》，首場演出圓滿結束。

實地考察啟德大場嚇一跳

Sammi受訪時表示，令她感受最深的是率領逾200人團隊從香港飛到吉隆坡開演唱會，她說：「嘩，帶200幾人過嚟，我真係好多謝唱片公司咁support。成個製作原汁原味搬過嚟，加上觀眾好熱情，今（前）晚我真係好滿意！」她亦透露鼻竇炎已康復，當晚其體力都很好：「其實盡力就係最好，每一場感受唔同，人和聲嘅energy level都唔同，當下做到最好，就係live好睇嘅地方。」

Sammi隨後將全力為7月啟德主場館舉行的亞洲巡演終點站演唱會操練，她說：「保留咗今次巡演嘅精髓，然後再加我嘅新意念，咁先至係巡演終站嘅意義。其實喺啟德做感覺完全唔同，台燈聲都唔同，衫和舞蹈都係全新。」Sammi透露，返港後希望休息10日，狂食幾日好好充電。她早前亦曾到啟德主場館實地考察，笑說：「嗰日嚇一跳，嘩！個台咁大嘅！跑勻要3倍時間，尤其是我啲快歌Fing得好勁，真係要好好嘅體能。」