合演父子 謝君豪狠摑吳慷仁三十多巴掌

香港文匯報訊（記者 阿祖）電影《寒戰1994》演員吳慷仁、謝君豪、廖子妤及陳家樂今日到戲院參與宣傳活動。戲中父子謝君豪與吳慷仁今日再度碰面，吳慷仁笑言跟謝君豪的右手分外熟絡，原因是戲中他被掌摑。謝君豪隨即解釋拍攝實況：「劇本寫明要摑佢6巴，我哋不約而同決定要真打，但拍第一個take打咗6巴，導演叫來多一次，又6巴，覺得幾好但可以更好，於是轉機位、近鏡又各6巴，全部打咗三十幾巴！打到我右手好痛，佢塊臉就更加痛，打完紅咗又有少少腫，但第一下一定唔可以手軟，咁佢就即入戲，我做父親嘅都痛一痛，戲就出嚟！」吳慷仁苦笑說：「我收工返酒店即刻要敷冰，要休息三日！其實劇本寫明打我6巴，都好奇豪哥會點打法，第一下感受到佢心痛，第二巴又來，就到我好痛。」

第四十四屆香港電影金像獎明晚舉行，有份角逐影帝、影后的陳家樂和廖子妤互問對方有否信心得獎，二人均表示有信心，但廖子妤坦言今次的心情最緊張，亦希望可以拿到最佳衣着獎，當得知評審是其好友王丹妮時，她笑言會短訊給對方稱她會扮到靚一靚；陳家樂則表示自己未開筆寫感言，所以未感受到那份緊張，不過太太將會陪他出席頒獎禮。