新歌孖MC張天賦對唱 Gordon Flanders與太太首同框演出

香港文匯報訊（記者 余雁）香港歌手Gordon Flanders推出新歌《可以不可以》，作為他首張個人大碟的主打歌曲。Gordon Flanders特別邀請師兄MC張天賦驚喜featuring。

《可以不可以》由Gordon Flanders與MC聯同丹麥製作人Peter Wallevik及Daniel Davidsen共同創作，並由小克填詞。歌詞以不同的愛情角度探討現代戀愛中雙方觀點的微妙差異，促成這次與丹麥製作人合作的原因源自於一次公司替他們安排的writing camp，他們說：「當時就有三個單位，就係我哋同埋嚟自丹麥嘅製作人 PHD。」歌曲靈感源自陶喆與盧廣仲的《那個女孩》，Gordon 一直渴望擁有一首男男對唱的作品。MC 則分享他在寫Demo時，曾構思過一種一人唱一個字的對唱方式，營造像「打乒乓波」般的來回感，故二人藉着這次合唱機會便把這些想法放進歌曲內。

Gordon Flanders首次與太太同框演出MV，Gordon自爆是自己「情勒」太太岀鏡：「因為MV有一慕，我係要拖住我另一半即係我太太同埋一個小朋友嘅鏡頭，咁我就同佢講冇理由要搵一個演員扮我老婆㗎嘛，不如你自己嚟拍啦！哈哈！」問到太太有沒有為MV出鏡開出什麼條件？Gordon則回應：「都無嘅，反而係會係度呻。」MC 眼見 Gordon 險面臨返屋企「跪玻璃」之際，立即出手相助：「佢太太係非常之合作嘅，因為佢好愛佢(Gordon)，所以好支持佢哋音樂所以都會參與佢嘅MV拍攝嘅！」Gordon如夢初醒更立即補鑊：「你講得啱！我講錯嘢，唔好意思！」

問到二人未來會否讓愛貓愛犬出鏡，MC擔心其愛犬「豬柳蛋」會因工作拍攝感到緊張和害怕，他亦笑言愛犬演出收費「非常高昂」：「除非遇到一個大數目啦，如果唔係豬柳蛋係適合喺屋企被我寵，唔應該拋頭露面。」而 Gordon 亦自言雖然其愛貓比較親人，但帶貓貓外出並非容易亦會擔心拍攝時會受驚。