黎諾懿李佳育兒重身教 籲惜食懂知足踢走飢餓

香港文匯報訊（記者 子棠）黎諾懿與李佳將參與宣明會於4月25日及26日舉行的「我要世界走飢餓—Go & Seek！」活動，分享對飢餓問題的體會與看法，藉此呼籲市民為踢走飢餓出力。

諾懿多次與宣明會合作，大讚機構為很多貧瘠地區的人出力，亦希望日後帶孩子一同到不同地方探訪，親身了解世界飢餓問題。而首次與宣明會合作的李佳透露，去年已與兩個仔仔成為親子助養者。她憶述兒時隨母親到雲南一個貧瘠地區參觀，當時有好多小朋友伸手跟着車跑，她將手上的朱古力送給他們，這個畫面令她至今難忘。「𠵱家小朋友好幸福，希望通過成為助養者，讓佢哋知道世界上仲有好多小朋友生活艱難。我用仔仔嘅名義助養，過兩年佢哋對零用錢有自主權，就會知道有責任幫助小朋友。」

兩位家長都重視教導孩子要珍惜食物。諾懿經常教導「小春雞」及「小冬牛」不可浪費：「去餐廳食嘢，一定要食得到先好嗌。香港小朋友好幸福，物資食物都好富裕，但要知道唔係人人都有咁嘅條件，所以我哋更加要教識佢哋知足，有機會我都想佢哋親身感受飢餓、去做探訪。」

李佳亦說，雖未真正捱過飢餓，但疫情隔離期間孩子們厭食兩餸飯，她亦藉機教導孩子珍惜食物：「我同佢講好多小朋友冇嘢食，佢哋之後都肯食返幾啖。」她亦希望帶孩子去外地探訪，讓他們親身感受吓。

談及小朋友的讀書問題，兩人各有理念。黎諾懿澄清早前提出「讀書冇用」只是美麗的誤會，強調自己反對的是讀死書。他反對過度補習與追求分數，認為AI年代不必強逼孩子死背公式表格，應順應孩子天賦發展，兼顧身心平衡，「每個小朋友都唔一樣，唔可以用同一種方法去教。」李佳教育態度較嚴謹，她表示：「我老公初初同我有唔同意見，但兩個仔都讀香港本地小學，中國教育同外地真係唔同。佢哋成日問可唔可以帶飯，我會問『點解人人都食，係你哋唔食得？』真係餓就會去試食少少㗎啦。」

至於馬年的工作大計，諾懿將到馬來西亞開工：「大部分時間暫時都喺馬來西亞，希望香港都可以有多啲節目拍攝，可以同大家見面啦。」李佳透露稍後亦會推出新歌，希望呈現不一樣的佳佳。