被粉絲叫叔叔 秒查學生證 AK笑言：「叫靚仔」

香港文匯報訊（記者 子棠）江𤒹生（Anson Kong）@MIRROR 前日驚喜現身尖沙咀鐘樓，為新歌《攬緊處理》進行快閃宣傳活動，向途人大派飛機欖，雖然派發時間僅15分鐘，吸引大批「生粉」（粉絲暱稱）到場支持之餘，還引來大量途人圍觀，氣氛熾熱。

AK與團隊特意選用飛機欖作為禮物，取其「欖」字諧音，呼應新歌《攬緊處理》的主題。被問到兒時有否品嘗過這款懷舊小食，AK笑言：「我冇食過，細個都冇見過，因為我咁後生。」再次鬼馬回應隊友Tiger提及的MIRROR「30歲顧慮」言論。

活動期間，一名18歲「生粉」大膽向AK挑機，取過飛機欖後說「多謝AK叔叔」，令AK即時拿出手機回應：「邊個叫叔叔？睇學生證！」得知對方真是18歲後，笑謂：「你贏！」場面搞笑。事後問到AK會否接受被叫叔叔？AK故作認真道：「畀人嗌叔叔我覺得幾多歲都唔接受，大家叫返我 Anson Kong，或者叫返我做靚仔都冇所謂。」

相隔多年再次舉辦快閃活動，AK相當享受，即場與「生粉」互動，回答新歌與MV的幕後花絮。而粉絲最關心的其中之一，就是AK在新歌MV中安排愛犬「猜柴」粉墨登場，首度「父子檔」上陣，笑問他是否已「出糧」給「猜柴」，令全場大笑。