【粵語講呢啲】「唔洗」「唔駛」定「唔使」？

●梁振輝 香港資深出版人

說到有「不用」意思的廣東話用語：

唔洗；唔駛；唔使

其流行程度都可以「不用」說了！由於「使」「駛」「洗」有相同的讀音「sai2」，說「唔使」「唔駛」「唔洗」時並無區別；但當寫下時就不一樣了！

別以為自小說廣東話的人就能告訴你「邊個打邊個啱」（孰對孰錯），就連傳媒甚或人稱或自認粵語專家們都沒能搞清，真個是：

抬棺材甩褲——失禮死人

其實只要從字義出發，寫法如何呼之欲出：

「唔sai2」中的sai2與「使用」中的「使」的意思脗合；反觀，「駛」「洗」只分別有駕駛、清洗之意。

不說可能不知，這個「撞口撞面」（經常遇上）的錯誤原來始於上世紀九十年代初；當時不少報章雜誌為了擴大讀者群，不惜大量「口語入文」，連帶坊間誤寫也收錄其中。到了千禧年代，網絡大行其道，這些誤寫也隨之而廣泛傳播，還有人會理會或需要知道正寫為何嗎？

以下是一些涉及「洗」「使」「駛」的廣東話用語或成語，好讓大家有個參照，以免一而再地掉進這個錯誤的漩渦裏：

使錢—花錢；洗錢（廣東話「洗黑錢」）—將非法取得的金錢，透過現有的金融作業流程轉為明賬

使用/使費—支出；大使—好花費；使大咗—花多了

使唔使—用不用；唔使講—不消說

唔等使—不管用（「等」有時口語讀「聽」）

好使好用—形容人很有能力、很好差遣

唔使嚟—不用來這一套；唔使慌/唔使指意—不必寄望；使人唔使本—把人用到盡

使開佢—特意使喚某人離開某個地點

唔聽使—不服從指揮；有錢冇埞使—有錢無處花

唔使急最緊要快—間接的催促語

使銅銀夾大聲—某人做了壞事還理直氣壯

見風使帆、見風駛船、看風駛船（廣東話「看風駛𢃇」）—隨機應變，視情況而行動

牙齒當金使—一諾千金；該死唔使病—生死有命；有便宜唔好使頸—有便宜當取，不用耍姿態

唔使問阿貴/唔使問阿桂—人盡皆知

此外，「番」「翻」「返」也是很常見的混淆用字。「返工」（上班）、「返屋企」（返家）多寫成「番工」「番屋企」甚至「翻屋企」；「老翻」（從事翻版、盜版勾當的人或行業）寫成解作「番鬼佬」的「老番」；「翻幾番」（工資、盈利、業績等以倍數增長）卻寫成「番幾番」等，大家也應多加留意。