蔡俊彥跟隨心聲加入體壇再闖樂壇

香港文匯報訊 男子花劍世界冠軍蔡俊彥（Ryan）近期人氣急升，更步入樂壇初試啼聲大獲好評。Ryan出席一次活動時分享自己最近成為歌手的故事，他道：「我其實受小方（方力申）啟發。上年去咗好朋友（呂爵安Edan）演唱會做嘉賓，發現自己鍾意唱歌亦鍾意喺舞台嘅感覺，好享受喺舞台抒發一啲情緒，係一個好無形同觀眾溝通嘅方法，好特別。決定當歌手，當中有好多掙扎，但當初如果安守本份，就唔會成為一個全職運動員，因為當時成為全職運動員嘅時候，都冇咁多人支持運動員，既然七年前做咗一個咁任性嘅決定，七年後我想繼續跟隨我嘅內心去走，所以選擇同時做運動員同歌手。」不過Ryan揚言，暫時都是側重運動員的身份。

他亦感激教練的一路相陪：「上年花劍世界盃加拿大站成績好差，教練沒有迫我，只是叫我冷靜，一路陪伴住我，不論高低都在我身邊。我被這番說話感動到，然後我覺得我打劍不是為自己，而是做好俾教練、屋企人同朋友睇，只要身邊仍然有支持我嘅人，那怕得一個，我都要做好。」