（有片）張敬軒李幸倪快閃連鎖快餐店派奶茶

香港文匯報訊（記者 子棠）為迎接「英皇娛樂25+ HAPPY BIRTHDAY慶典」，繼日前的「英皇娛樂25+ Moving Cantonpop Disco電車派對」後，昨日輪到經理人霍汶希（Mani），率領張敬軒（軒仔）及李幸倪（Gin Lee）齊齊快閃連鎖快餐店，化身「奶茶大使」落區同粉絲近距離接觸。

軒仔跟Gin一踏入店舖，迅即吸引餐廳食客的目光，顧客紛紛舉起相機及要求合影，氣氛勁high。兩位歌手除了派杯奶茶，更跟大家玩起問答遊戲，而且問題亦「甚有難度」，問題表面簡單，但暗藏陷阱，幸好顧客醒目，秒速回答。期間有位小朋友獲軒仔親自送贈奶茶，不過小朋友害羞不敢收，Mani即刻發揮「阿媽」本色，溫柔地說：「唔使驚㗎，係請你飲，唔使錢㗎，真係請你飲㗎。」一句說話即刻引到全場大笑，場面溫馨又搞笑。

玩到興起，Gin更貼地跟顧客齊坐低，同成枱顧客一齊舉杯暢飲，打成一片。亦有不少顧客捉緊機會向軒仔及Gin集郵，親民的二人當然來者不拒，將開心氣氛延續到最後。而明天《25+ 英皇群星演唱會》將正式公開發售。