夥譚輝智6月紅館開騷 羅啟豪盡所能無懼負評

香港文匯報訊（記者 梁靜儀）羅啟豪昨日代表歌迷會「豪吧」，出席第十四屆「十一良心消費運動」嘉許典禮，領取最高級別的「卓越支持社企機構大獎」，他更同時擔任司儀。會後羅啟豪表示首次做司儀也不是太緊張，事前一晚已開始背稿，只是站到台上時有點緊繃：「只係食咗一下螺絲，之後就再食多吓，但都算放鬆，始終我都係一個內斂嘅人，要解決呢個問題，我參加咗比賽之後真係克服咗好多，我嘅方法就係要多啲練習。」不過相比之下，他覺得唱歌比較困難，因為要記歌詞。

對於歌迷會連續兩年獲得此項殊榮，問到羅啟豪如何獎勵「豪殼」（歌迷暱稱）？他說：「暫時忙緊演唱會，我都係做得更加好，同埋我啲『豪殼』都好自豪可以喺出道短時間之內達成一個願望，佢哋一直希望聽我唱多啲好歌，做好自己嘅工作，我會盡1,000%努力做好我嘅紅館騷，之前新春同『豪殼』團拜，親手𠝹咗百幾個水仙頭送畀歌迷。」

羅啟豪與譚輝智將於6月攜手於紅館舉行演唱會，消息公布後網民與歌迷反應兩極，除了兩人缺乏作品外，天王級的票價更被嘲「未夠班」。問到可有留意外間的聲音？羅啟豪坦言有人跟他提過，承認出道的確不是很長時間，知道主辦方申請過程艱巨，他同輝智咁快有機會完成夢想，都會盡自己所能。

對於被網民批「未夠班」，可會影響到心情？羅啟豪說：「其實冇影響，因為入行呢段時間都有唔少網民有呢啲說話，我已經承受到任何負評。（都習慣？）可以咁講，我係好專注我嘅工作，呢啲聲音唔會影響到我，至於天王級票價都係主辦方嘅安排。」