黎諾懿與太太教育理念有分歧

香港文匯報訊（記者 余雁）黎諾懿昨日出席活動，分享有機飲食心得，吸引大批市民圍觀，場面熱鬧。

已為兩子之父的黎諾懿透露想追個女兒：「我都好想追個女，但如果再生仔我驚自己接受唔到，因為我兩個仔都相差4年，玩嘅嘢唔同，大仔要滑雪、細仔要跳彈床，我要花好多時間陪佢哋玩，分身不暇，暫時都未有動力生多個住。」

講到飲食習慣，黎諾懿跟太太李潔瑩非常合拍，全家人奉行清淡原則，主張少糖、少鹽、少油，挑選食材時盡量選有機食品，透露小朋友食納豆、雞翼和白飯又一餐，並說：「𠵱家喺屋企主要都係工人姐姐下廚，雖然我識煮，但都係姐姐下廚多。不過我老婆就係地獄廚神，當年太太揀我，都係貪我識煮飯，𠵱家我就過時過節先煮。」

飲食方向夫妻倆甚有共識，但黎諾懿就自爆跟太太在教育方針南轅北轍！諾懿自言從來不是嚴父，偏向跟小朋友玩樂；相反，老婆則認為兒子年紀尚輕，現階段應該專注學業，諾懿幽默說出自己的見解：「20年後AI、電腦都好發達啦，所有嘢都唔使背。」縱然在教育觀上間中有分歧，不過作為廿四孝老公和老竇的黎諾懿，最終還是會妥協讓老婆。

黎諾懿大仔「小春雞」黎峰睿年僅8歲就考獲8級鋼琴，黎諾懿認為小朋友應在童年多探索個人興趣，學習喜歡的技能，比如說兒子熱愛彈琴就讓他學琴，這樣才事半功倍。而眾多技能之中，他最看重語言能力，大仔現時懂得說粵語、普通話、英文。問到會否希望兒子將來入行做藝人，黎諾懿明言反對：「做娛樂圈實在太被動喇，男仔唔應該咁被動，我唔想佢哋白等，等晒啲時間。」