亞洲咖啡音樂節啟德開鑼 黃妍從觀眾汲取能量

香港文匯報訊（記者 余雁）「亞洲咖啡音樂節」以香港作為首站，集合各地頂尖咖啡力量與音樂唱作人，旨在打造前所未有的「咖啡×音樂×生活」國際盛會。由3月6日起一連三日的活動在香港啟德體育園舉行。主辦方表示，首屆音樂節選址香港，旨在連結亞洲精品咖啡品牌及本地美食，打造跨地域交流平台。

歌手黃妍（Cath）昨日以「咖啡音樂大使」身份出席「亞洲咖啡音樂節」新聞發布會。身為咖啡控的Cath昨日更可以品嘗全球拍賣價第二昂貴的瑰夏咖啡豆，每杯價值近二千元，Cath簡直開心到跳起，品嘗後更作深度分析：「真係一分錢一分貨！飲落去個味超級順滑，同埋有個好圓潤嘅厚度，跟住一入口，果酸同花香味就喺兩邊腮骨爆開。就算隔咗五分鐘，味道仲喺我個口裏邊回甘碌緊！」Cath意猶未盡地回味着說：「個勁位唔係入口嗰下攻擊嘅驚艷，而係佢慢慢嘅 after taste，好 long lasting，我頭先都唔捨得擺低杯咖啡！」

Cath將於4月25日舉行音樂會，她表示心情既興奮又緊張：「今次呢個show係自從我上年走咗咁多個城市之後，再返嚟香港演出，對表演同台下觀眾嘅交流，有一種好唔同嘅感受，以前我以為係表演者畀觀眾力量，就係喺過去一年，我發現原來觀眾會回力量畀我，好溫馨、好多能量，所以我都幾期待呢個畫面，再次畀驚喜香港歌迷！」Cath透露，今次音樂會從形象到歌單，都會帶給大家驚喜：「至於係小驚喜定大驚喜，就要到時嚟睇吓至知。」