廖子妤首奪影后望再下一城 古仔笑約青雲 拍「絕世好嘢」

香港文匯報訊（記者 梁靜儀、攝影 孫嘉蔚）「第三十二屆香港電影評論學會大獎頒獎典禮」昨日於香港電影資料館舉行，並由曾五度奪得該會最佳男主角的劉青雲擔任頒獎嘉賓，頒獎予「最佳男、女演員」古天樂（古仔）及廖子妤。廖子妤首奪影后，直言希望再下一城；古仔冀電影界革新進步，笑言約青雲拍「絕世好嘢」。

「最佳電影」由《再見UFO》奪得；古天樂憑《私家偵探》獲「最佳男演員」；廖子妤憑《像我這樣的愛情》首度贏得「最佳女演員」殊榮；李子俊、周汶儒憑《私家偵探》奪得「最佳導演」；《UFO離奇命案》郭家禧、李振傑、何肇康與蔡嘉桁則共同斬獲「最佳編劇」。而6部推薦電影包括：《UFO離奇命案》《女孩》等，其中《女孩》的導演舒淇因事缺席，由電影公司代表代領獎。

頒獎前，青雲被問及對新演員的寄語，他直言：「演員最重要嘅係透過經歷形成自己嘅演出，別靠聽劉青雲講那些老生常談，聽嚟冇咩用，我覺得靠自己去睇、去聽、去思考才有用。」他又搞笑自稱「濫撈」，歡迎新導演找他合作，但要想清楚是否真的需要他。問到合作有什麼條件？青雲就笑說：「如果女演員多我一定去嘅，《夜王》歡哥嗰啲，你早啲搵我做歡哥，我仆到咁嚟啦。」

籲港片革新進步

古仔從好友劉青雲手上接過「最佳男演員」獎項，笑言：「近來好多人說自小就睇我演戲，我細細個就睇青雲嘅《新紮師兄》。」古仔表示：「我覺得好多事需要改變，現今科技發達，串流平台、短視頻及AI誕生，我哋都需要改變才會進步，更需要下一代嘅接力。希望大家繼續支持香港電影，支持我哋繼續做落去！」

會後古仔與廖子妤一起接受訪問，古仔表示由好友青雲手上接過獎項，加上是首次得該獎，感到相當開心，而當日公布得獎時，都有點呆呆哋、唔敢相信。談到曾與青雲合作電影《絕世好Bra》，加上該片的監製亦在場，問到可有機會再合作？古仔認為總會有機會，因電影是夢想世界，但看劇本而定，又笑言可開拍「絕世好嘢」。問到下個目標是否得金像獎「影帝」？古仔說：「下個目標係拍好啲戲，入圍已經係肯定，大家盡自己努力去做，金像獎以往畀我嘅感覺，如果一個獎有兩個提名係會分薄咗票源，但我更希望林峯憑《尋秦記》入圍。」

廖子妤獲青雲豎拇指讚好，來自馬來西亞的她自爆從小睇港產片長大，是「電視兒童」，因爸爸有個朋友是賣翻版碟的，她好喜歡電影中的浪漫世界，今次能由青雲頒獎已覺超級浪漫。但曾有導演跟她說「得獎後會3年冇戲拍」，她希望不是真的。

首奪影后，廖子妤坦言希望能有第二個獎，希望接着有戲拍就最好。問到是否真的擔心得獎後3年無戲拍？她坦言都擔心：「𠵱家市道不景氣。」老闆古仔即笑說：「一陣上車前開部畀你，好奇怪你每次攞獎我都喺台下，我幾驚你又激動到喊。」子妤笑說：「頭先我差啲喊，覺得大個女要忍住唔好再喊。」

她又搞笑自爆當年睇古仔跟青雲合作的《絕世好Bra》好開心。古仔笑說：「我希望冇影響你發育，好睇唔睇，睇兩個男人戴Bra。」古仔透露正接洽電影《1941》拍攝，但還未睇劇本。