馬貫東新劇擔正男一 被劇組「賜」五大挑戰

香港文匯報訊（記者 梁靜儀）馬貫東、張曦雯（Kelly）、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等演出的無綫動作喜劇《臥底嬌娃》，將於2月23日播映。

《臥底嬌娃》是入行將近20年的馬貫東第二部擔正男一劇集，劇組主創人員為他設計了五種不同類型的Solo場口，分別是連場展現拳腳真功夫的動作戲、大晒結實身形的剝衫戲、與女主角Kelly超乎想像的「埋身親密」戲、充滿青春活力的跳舞戲及超複雜的內心戲。

無綫官網發布的最新「搶先睇精華」，馬貫東將突破自己、與Kelly有一場超埋身接觸戲，還要型男上身魅力十足向Kelly講出挑逗語句。

談到劇中四大挑戰，馬貫東笑言「親熱戲」及「跳舞」部分最大難度，更一度拍至懷疑人生：「減磅同打鬥場面都唔夠親熱戲咁難處理，尤其是同Kelly喺第一集嗰場由背脊一路摸到落臀部嘅場口，首先嗰一場戲喺比較早段拍攝，同Kelly未係好熟絡，但嗰場戲我同佢嘅距離非常近，但當時我內心其實好尷尬，摸到差唔多到臀部時仲開始好掙扎同擔心，如果Kelly唔制止我，導演又唔嗌cut機，我應該點樣做？如果自己停低，會唔會影響咗成場戲嘅推進？」、「跳舞又係另外一種難處，首先要記住啲舞步已經好困難，呢個係我最冇自信嘅範疇，但又要呈現出最有自信嘅一面喎，真係比起演戲更加難。拍Opening嗰場跳舞，我真係跳到懷疑人生。」

馬貫東為配合《臥底嬌娃》「剝衫晒肌」挑戰，在短短兩個月內減了20磅之餘，體脂更由原本的28減至16，亦足證他意志力驚人。