摸錯龍母床 葉蒨文無意添丁 另有所求

香港文匯報訊（記者 梁靜儀）曾展望（GM）、葉蒨文（Sophie）、潘靜文、林智樂、胡敏芝今日聯同堪輿學家李丞責及麥玲玲，出席無綫賀年節目《一馬當先行大運》記者會，配合馬年來臨，現場又進行「一馬當先」賽馬比拚，勝出的更可一嘗「拉頭馬」滋味。

GM與女友Sophie早前隨李丞責到內地龍母廟拍攝，Sophie更趁機摸龍床，不過事後才知摸錯床，因為龍母床是旺添丁，GM就說笑：「唔怕，我哋分房瞓。」問到二人可有因今次行程令感情升溫，GM笑言沒有，因感情一直都在頂點。Sophie受訪時被問到摸錯龍母床？她笑說：「唔係摸錯，師傅講笑啫，的確有人摸嚟求添丁，亦可求其他嘢，我當然求吉祥平安，（暫不添丁？）因為事業開始有啲起色，全力衝刺。」問到師傅可有預測他們會奉子成婚？Sophie笑說：「又冇喎。」

談到他們日前到廣州開騷，更在台上咀嘴，不過就有網民則嫌他們太閃？GM解釋都是為了配合主題：「因為個主題係《Share Me Your Love》，我哋唱唱吓情歌，情不自禁，我哋私底下仲閃，我哋當粉絲係好close嘅朋友，冇收收埋埋。」Sophie就笑指因盛情難卻才咀嘴：「當時台下粉絲大嗌『錫佢、錫佢』，其實成件事好輕鬆，因為係粉絲見面會，大家情緒好開心，冇諗過咁複雜。」

同場的潘靜文自爆因為拍節目時不停吃，以致胖了不少，正考慮買過批新裝還是做運動減肥。問到麥玲玲師傅可有給她贈言？她表示有問姻緣，但師傅冇正面回應：「有問過師傅我會唔會嫁到個好老公，但師傅冇正面回答我，我打算再問吓，如果冇就唯有努力工作，因為今年已經28歲，都驚「攝灶罅」，（有冇問事業運？）師傅話唱歌差少少，都會失望，始終唱歌係自己最鍾意嘅，團火都未磨滅到，會堅持同努力。」

潘靜文透露近日正式摵甩「P牌」，她指起初駕車時，曾試過在觀塘的油站撞跌指示牌，雖然油站不用她賠償，但座駕一邊車門卻撞凹了，維修費要萬多元。