肥媽連環出招催婚龔嘉欣

香港文匯報訊（記者 梁靜儀）明晚（5日）播出的《在家宴客60道菜》一集，4道宴客菜分別為「陳皮香煎拆骨魚雲」「蓮藕糯米肉丸」「花雕金鳳凰」及「三鮮煲仔飯」。當中最令人驚艷的心機菜非邵德龍師傅（邵師傅）的「陳皮香煎拆骨魚雲」莫屬，龔嘉欣試食後大讚，更自揭與邵德龍不為人知的「上契關係」：「呢道餸真係奢侈，奢侈在有好多心思。自從做咗你個女之後，我唔會再叫外賣。」

打從《60道菜》第一集開始，肥媽已極度心急將嘉欣嫁出去，更連番出招催婚。話說當嘉欣「賣口乖」表示很喜歡與肥媽一起下廚時，肥媽竟借題發揮分享婆媳相處之道：「女人同女人之間最好喺廚房，我都係一路做嘢一路講心事。尤其是你第日嫁人，你喺廚房幫奶奶做嘢，佢對你嘅感覺都唔一樣。」嘉欣即乖巧回應：「我好鍾意㗎，同埋我都想佢個仔開心㗎嘛。」此時肥媽再度開啟催婚模式：「咁你快啲嫁啦，講咁遠做咩啫？」之後嘉欣提到朋友送了很多BB衫給她，並已被她放在床上時，肥媽再爆「催婚」金句：「畀BB衫有鬼用咩，畀個識得做BB嘅男人你吖嘛！」

昨（3日）晚一集，肥媽教授西式焗豬柳卷「Marry Me豬」（靈感源自外國著名求婚菜式「Marry Me Chicken」）時，又乘機試探嘉欣會否選擇識煮飯的另一半，以及理想求婚場面，嘉欣的答案盡展其賢惠及簡樸一面：「我又冇乜所謂喎，如果佢（另一半）唔識煮，咪我煮畀佢囉。」「可能一擘大眼，戴咗隻戒指喺手度就得㗎喇。」