胡㻗專注做高球教練暫不拍劇 陳曉華同情心氾濫 曾被PUA

香港文匯報訊（記者 梁靜儀）藝人陳曉華（Hera）、羅天宇、胡㻗等今日到清水灣出席慈善高爾夫球賽，大會並邀得保安局局長鄧炳強擔任主禮嘉賓。

以「仁濟慈善大使」身份主持開球禮的Hera，表示很開心參與活動，也很想學打高爾夫球。近日Hera有份主演的劇集《非常檢控觀》正在熱播，Hera在劇中的癲婆角色備受好評，她笑言癲婆唔易做，又強調演得好並非本色演出：「睇返3年嘅戲，發覺可以再做好啲，而家睇返有種得意感覺，嗰陣真係好癲，可能26、27歲仲係年輕，（有冇偶包？）完全冇，如果現在再做應該另一種癲，成熟嗰種癲。」問到其癲婆形象可有嚇到身邊人？Hera笑言反而嚇怕自己，自己也花了很長時間去理解角色被PUA的性格。

Hera又自爆是同情心氾濫的人，現實中也曾試過被PUA，但現學會說不：「我覺得大家都會有呢啲時候，可以被人PUA嘅冇問題，但唔好太多，都要互相幫忙，但唔可以永遠100% Say Yes，有時都要做下No Man，所以現在我會五十五十，因為我大個女啦，開始覺得體力上有限制，同埋我好鍾意瞓覺，要將啲時間留畀自己去休養。」

羅天宇與胞弟胡㻗難得同場，胡㻗表示近兩年都是跟一位好好的教練做高爾夫球教練，天宇即酸溜溜說：「我以為你話有個好好的哥哥。」天宇又指弟弟是他唯一的教練，但有時都會被對方鬧：「弟弟又好忙，有時兄弟之間都會好忟憎。（佢有冇鬧過你？）有啦，冷言冷語，咁又無影響感情嘅。我哋雖然相差7年，之前靠打籃球拉近距離，但年紀大咗而少打，現在係打高爾夫球拉近距離，佢教得好好。」胡㻗亦讚天宇球技不俗。問胡㻗可想再拍劇？他坦言都想再拍戲，但目前想專心投入高爾夫球事業，並預告之後會開設網上頻道，以粵語講解有關高爾夫球的基本認知，希望令更多人了解這項運動。