今年跑馬拉松不再有阮浩棕陪伴 何沛珈不愁寂寞

香港文匯報訊（記者 梁靜儀）曾展望（GM）和何沛珈昨晚為《仁愛堂周年慈善餐舞會2026》擔任司儀，二人互送高帽。先是GM表示跟何沛珈雖然合作不多，但對方擔任過不少大騷司儀，在後台也有過教幾招做司儀心得給他，最受用的就是要平常心。何沛珈就大讚GM靚仔，很受女士女仔歡迎，兼且轉數快，她自問轉數不及他快。

至於近日回復單身的何沛珈，可會趁機會在現場認結識總理擴闊朋友圈子？她表示當天專注工作做司儀，暫時亦未有追求者。她又拉開話題，指會跑馬拉松十公里，因為太耐無練跑變得跑得慢，希望今次能夠完成賽事，追回之前的成績。過往她跑馬拉松都有舊愛阮浩棕陪伴，她表示今年會有林淑敏、許家傑及崔錦棠一同跑。問到可有其他「新血」加入跑？她笑說：「冇乜新血，都係瘀血，因自己冇乜練過，慢咗好多，今年完成到十公里都係人生成就解鎖。」

GM笑言好可惜已截止報名參加馬拉松，只好明年參加，又笑指他都要「跑數」，要跑公司業績，記者問他是否已「爆數」？GM搞笑說：「正常啦，我都唔知自己搵到幾多錢，我都唔睇錢，係為興趣，為理想，（去年算係豐收？）係，多謝大家支持我。」他又指接工作時金錢不是首要考慮。

提到日前TVB主席許濤公布今年會加人工，問到會否加騷錢？何沛珈表示自己騷錢好合理，但當然想加人工，不過價錢是秘密。

另外，周吉佩亦有偕同太太出席，二人為配合大會主題，以一身粉紅及紅色造型現身。