玩盡「一鏡到底」 Gin Lee籲擁抱不完美

香港文匯報訊（記者 梁靜儀）日前李幸倪（Gin Lee）接受「一鏡到底Music Live」挑戰，由九龍塘廣播道車廂開始，唱着歌穿街過巷，一直唱到去尖沙咀天星碼頭麥當勞，再殺入海港城邊行邊唱，整個Music Live長達一個多小時，Gin只靠一支結他伴奏，唱出五首歌曲，包括《一早知道的情歌》《雙雙》《今天終於一人回家》《隨時隨地》及《企好》。

最驚喜的是在車廂部分，竟然找來《全民造星VI》的愛徒、以「第11人」身份逆襲奪冠的Teller，Gin邊唱《一早知道的情歌》。沿途不少市民野生捕獲Gin，紛紛衝上前自拍，亦有樂迷表示已買演唱會飛為她打氣，十分窩心。壓軸去到海運大廈露台，一大班粉絲早已霸定位等偶像，最後來個全場大合唱《企好》，將氣氛推至高峰。

挑戰完結後，Gin笑言今次任務，是一個新挑戰，可以再挑戰：「可能𠵱家年紀大咗，會學識擁抱唔同moment，唔需要樣樣嘢都完美，真實咁發生，就等佢發生啦。」Gin又自爆以前會為小事失眠，「以前返到屋企可能會瞓唔着，諗『點解會咁？可以做好啲！』但𠵱家覺得，人生就係咁，冇得時刻完美，盡咗力就OK。」